ဒီမေးခွန်းကလူတိုင်းမေးသင့်တဲ့မေးခွန်းပေါ့။ ကိုယ်ကအချိန်ပြည့်ဘုန်းကြီးကျောင်း၊ တရားစခန်း၊ တောရိပ်သာ တွေမှာ သွားမနေနိုင်ဘူးလေ။ မြတ်စွာဘုရားလက်ထက်တုံးကလည်း တရားစခန်းဝင်ပြီး ကျွှတ်တန်းဝင်သွား သူမရှိပါဘူး။ လောက လူ့ဘောင်ထဲမှာ နေထိုင်၊ လင်ယူသားမွေး၊ စီးပွါးရှာပြီး သောတာပန် ကစပြီး နောက်ဆုံးကျွှတ်တန်း ဝင်သွားကြသူတွေ ဒုနဲ့ဒေးပါ။ ဒီခေတ်ဒီအခါကြီးမှာ ဘယ်သူမှ သားပစ်၊ မယားပစ်၊ စီးပွါးပစ်ပြီးတရားရှာနိုင်သူမရှိ သလောက်ရှားပါတယ်။ မြတ်စွာဘုရားကလည်း လူ့လောကကြီးထဲမှာနေပြီးတရားရှာလို့ရအောင်မြတ်စွာဘုရားရဲ့ပထမဦးဆုံးဟောတဲ့တရားဖြစ်တဲ့ဓမ္မစင်္ကြာမှာ အရင်ဦးဆုံး မဂ္ဂင်(၈)ပါးကိုစပြီးဟောပြီးဖြစ်ပါတယ်။ ထွက်လေဝင်လေ၊ ထိတာ၊ သိတာတို့၊ အမှတ်စိတ်တို့ကိုစပြီး မဟောခဲ့ပါဘူး။ လူ့လောကကြီးထဲမှာ မဂ္ဂင်(၈)ပါး နဲ့သာနေထိုင်ဖို့ပြောပြီးသားပါ။ အဲဒါကြောင့် မဂ္ဂင်(၈)ပါး ကိုကျေလည်အောင်လေ့လာသင့်တယ်။ မဂ္ဂင်(၈)ပါး အတိုင်းကျင့်ကြံနေထိုင်သင့်ပါတယ်။ မဂ္ဂင်(၈)ပါး သာဘဲတခုတည်းသော ထွက်ရပ်လမ်းဖြစ်ပါတယ်။ မဂ္ဂင်(၈)ပါး ကိုသာကျေလည်အောင်လေ့လာပြီး ကျင့်ကြံအားထုတ်သင့်ပါကြောင်းတရားလမ်းညွှန်ပါရစေ။
Subscribe to:
Post Comments (Atom)
No comments:
Post a Comment